Емельяненко бразилиялик рақибидан 11 кг оғирроқ тош босди + ФОТО

AMC Fight Nights 106 турнирининг қизиқарли жангларидан бири оғир вазн тоифасида ўтказилади ва унда россиялик Александр Емельяненко бразилиялик Марсио Сантосга қарши октагонга кўтарилади.

Кеча кечқурун турнир иштирокчиларини расмий тарозидан ўтказиш маросими ташкил этилди. Унда Емельяненко 115 килограмм, рақиби Марсио Сантос эса 104 килограмм вазн қайд этди. Александр Артем Тарасовга қарши ўтказган сўнгги жангида 106 килограмм вазнга эга бўлганди. 

Эслатиб ўтамиз, Александр Емельяненко бу жангга бир ҳафта олдин розилик берган эди. У соғлиғида муаммо юзага келган Вячеслав Василевскийни алмаштирганди.