09 фев 08:22
Янгиликлар

Бокс/ММА

Энди UFC`да икки Топурия. Илиянинг акаси дунёнинг кучли Лигасида дебют қилди

Айни дақиқаларда Австралиянинг Сидней шаҳрида 2025 йилнинг иккинчи рақамланган UFC турнири бўлиб ўтмоқда.

UFC 312 турнирининг предим карди доирасида грузиялик Александр Топурия дунёнинг энг кучли Лигасида ўз дебютини ўтказди. Чемпион Илия Топуриянинг акаси австралиялик Колби Тикнессга қарши октагонга чиқди. Уч раунд тўлиқ давом этган жангда тўнғич Топурия очколар ҳисобига кўра ҳакамларнинг якдил қарори билан ғалаба қозонди.

Бу Топурия учун UFC промоушенидаги дебют жанг бўлди. Унгача у ММАда 5 та ғалаба ва 1 та мағлубият қайд этган эди. Оқшомнинг марказий жанги ўрта вазнда амалдаги UFC чемпиони Дрикус дю Плесси ҳамда ушбу камарнинг собиқ эгаси Шон Стрикленд ўртасида бўлиб ўтади.