Енгил атлетикачимиз “Almaty Marathon”да совриндор бўлди

Дунёнинг 50 та давлатидан 15 600 нафар енгил атлетикачи қатнашган марафон баҳсларида терма жамоамиз аъзоларидан Бекзод Бойматов белгиланган масофани 2:21:48 вақтда босиб ўтиб, 2-ўринни эгаллади. Ушбу йўналишда иштирок этган Зикрулло Маматқулов (2:39:01) саккизинчи ўриндан жой олди.

Мусобақанинг ярим марафон пойгаларида ўз омадини синаб кўрган ҳамюртларимиздан Бахтиёр Ўткиров олтинчи, Нодирбек Муталипов еттинчи, Отабек Тошқувватов ўнинчи қаторда баҳсни якунлаган бўлса, аёллар ўртасидаги ярим марафонда Азизахон Мирзакбарова 4-ўринни банд этди.

Аёллар ўртасидаги баҳсларда қатнашган терма жамоамиз аъзоси Ширин Юсупова (3:50:44) 14-ўрин билан кифояланди. 10 километрга мўлжалланган пойгада ҳамюртларимиздан Максим Козачок 34:07 вақт кўрсаткичи билан олтинчи, Ойбек Маматкомилов эса 34:47 натижа қайд этиб, 9-ўринни эгаллади.