21 янв 15:24
Янгиликлар
Бокс/ММА
Энтони Жошуа иштирок этган ўлимли автоҳалокат бўйича судда ҳайдовчи умуман гапира олмади
Нигерияда содир бўлган ўлимли автоҳалокат пайтида собиқ жаҳон чемпиони Энтони Жошуанинг ҳайдовчиси бўлган 46 ёшли Адени Моболаджи Кайоде Нигерия суди олдида жавоб берди.
Бу ҳақда BBC нашри хабар қилди.
Британиялик журналистлар маълумотларига кўра, Кайоде 20 январь куни Огун штати, Сагаму шаҳридаги магистратлар судига келган, аммо эшитув прокурорга қўшимча ҳуқуқий маслаҳат олиш учун вақт берилгани сабабли 25 февралга қолдирилган. Кайоде суд мажлисида қора худи, қора пойабзал ва қора шимда бўлган. Суд жараёнида у бирорта ҳам сўз айтмаган.
Автоҳалокат Лагос — Ибадан тезюрар трассасида, Энтони Жошуа дўстлари билан дам олиш мақсадида мамлакатга келганидан сўнг содир бўлган. Спортчи бўлган Lexus йўлда юк машинасига бориб урилган.
Бунинг оқибатида, Жошуанинг икки мураббийи вафот этганди.
Ҳавола :
Манба : BBC
Фикрлар