Энтони Петтис ва Бен Хендерсон ўртасида учинчи жанг ўтказилди

Энтони Петтис ва Бенсон Хендерсон ўзаро учинчи жанги АҚШнинг Лас-Вегас шаҳрида ташкил этилган Karate Combat 43 турнири доирасида бўлиб ўтди. Каратэ қоидалари асосида ўтказилган беш раундлик жангда ғолиб аниқланмади. Қўшимча олтинчи раундда Энтони "Шоутайм" Петтис ҳакамларнинг якдил қарори билан ғалабани илиб кетди.  

Жанг якунланганидан сўнг Энтони Петтис ушбу турнирда шарҳловчилик қилган Жорж Сент-Пьеррга "вызов" ташлади. Канадалик афсона эса бу чорловга чиройли тарзда йўқ дея жавоб берди.

Эслатиб ўтамиз, 2010 йилнинг 16 декабрь куни Энтони Петтис Бенсон Хендерсонни очколар ҳисобига кўра таслим этиб, рақибининг енгил вазндаги WEC чемпионлик камарини тортиб олганди. Орадан уч йил ўтиб, Петтис яна ғалаба қозонди ва бу сафар UFC камарини қўлга киритди.