Эркаклар ўртасидаги US Open 2022 ғолиби маълум

Ҳал қилувчи финал учрашувида дунёнинг тўртинчи ракеткаси бўлиб келган испаниялик Карлос Алькараз рейтингда ўзидан уч поғона қуйида борган норвегиялик Каспер Руудга қарши кортга чиқди. 

Уч соату 22 дақиқа давом этган финал баҳсида Алькараз 6/4, 2/6, 7/6(1), 6/3 ҳисобида ғалаба қозониб, US Open 2022 чемпионига айланди. Теннисчиларнинг ўзаро учрашувларида Карлос 3:1 ҳисобида олдинда бормоқда. 

Статистикага эътибор қаратадиган бўлсак, Алькараз 14 та эйс, 3 та қўшхато ва 3 та брейк қайд этди. Рууд эса 4 та эйс, 2 та қўшхато ҳамда 3 та брейкка эга бўлди. 

Эътиборлиси, Карлос Алькараз бугун эълон қилинган рейтингда дунёнинг биринчи ракеткаси айланиб олди. У ушбу тарихий ғалабаси учун 2,6 миллион доллар мукофот пули ҳамда қимматли 2000 рейтинг очкосини ҳам қўлга киритди.