15 дек 13:51
Янгиликлар

Спорт курашлари

Эркин кураш. Сирожиддин Ҳасанов Владикавказдаги турнирда совриндор бўлди

Бир неча кун олдин Россия Федерациясининг Владикавказ шаҳрида эркин кураш бўйича "Аланы" халқаро турнири бўлиб ўтди.

Беллашувларда ўзбекистонлик полвонлар ҳам иштирок этишди. Ҳамюртларимиз ичида -65 кг вазн тоифасида юртимиз шарафини ҳимоя қилган Сирожиддин Ҳасанов бронза медалини қўлга киритди.

-61 кг вазнли спортчимиз Аббос Раҳмоновга эса бироз омад етишмади ва бронза медали учун кечган баҳсда чеченистонлик рақибига имкониятни бой бериб қўйди.

Аввалроқ, спорт курашлари бўйича терма жамоамиз аъзолари Россиядаги йиғинда иштирок этаётганликлари ҳақида хабар бергандик.