Эрон чемпиони қатл этилди, унинг акаларига 54 ва 27 йиллик қамоқ жазоси берилди

Унга 2018 йилда Эрон иқтисодий сиёсатига қарши оммавий намойишни ташкил этиш ҳамда ҳукумат ҳарбийсини ўлдириш айбловлари қўйилган. Афкари акалари билан бирга ҳукуматга қарши намойишларда иштирок этганди. Шундан сўнг ҳукумат уларни ҳисбга олди ва жиддий айблов эълон қилди: мавжуд режимни ағдариш учун махсус гуруҳ тузиш, хавфсизлик агентини ўлдириш.

Узоқ давом этган суд жараёнидан сўнг 27 ёшли Афкарига ўлим жазоси белгиланди. Унинг акалари – Воҳид ҳамда Хабиб мос равишда 54 ва 27 йилга озодликдан маҳрум этилди.

Афкари бир неча бор Бутунжаҳон Инсон ҳуқуқларини ҳимоя қилиш агентлиги ва ташкилотларга ёрдам беришларини сўраб мурожаат қилди. АҚШ президенти Дональд Трамп, Бутунжаҳон кураш дунёси президенти Ненад Лалович, UFC президенти Дэна Уайт каби обрўли инсонларнинг Эрон ҳукуматига юборган сўрови ҳам Афкарини ўлимдан сақлаб қололмади.