Эронлик мухлисаларнинг фикрича, уларни Қатарда махсус хизматлар кузатишмоқда

Хавфсизлик нуқтаи назаридан исми ошкор қилинмаган ва Эрондан кўчиб кетган мухлисанинг сўзларига кўра, Англияга қарши баҳсда (6:2) уни ва ёнидаги бошқа аёлларни суратга олиб юрган эркакни пайқаб қолган. Бошқа аёлнинг айтишича, айнан ўша ўйинда бир эркак футбол кўриш ўрнига фақат эронлик аёлларни дурбин орқали кузатган. Қизларнинг фикрича, бу Эрон махсус хизмати ходимлари.

Эронда аёлларнинг футбол ўйинига кириши тақиқланган. Қатарда бундай эмас, бироқ кўплар эронлик аёллар уларни кузатишаётганидан ва бунинг оқибатларидан қўрқишаётгани ҳақида маълум қилишган.