26 окт 18:27
Янгиликлар

Теннис

Erste Bank Open. Александр Зверев етиб келди

Теглар : Александр Зверев Erste Bank Open

Дунёнинг учинчи ракеткаси Александр Зверев Австрия пойтахти Вена шаҳрида ўтказилаётган ATP 500 тоифасига кирувчи турнирдаги иштирокини якунлади.

Германиялик теннисчи 1/4 финалда ATP рейтингида 17-поғонада бораётган италиялик Лоренцо Музеттига уч сет натижасига кўра имкониятни бой бериб қўйди - 6/2, 6/7(5), 4/6. Теннисчиларнинг ўзаро учинчи учрашувига келиб Лоренцо ҳисобда олдинга чиқиб олди - 2:1.

Икки соату 39 дақиқа давом этган баҳсда Зверев 10, Музетти 2 та эйс зарбасини амалга оширди. Қўшхатолар олмон теннисчисида кўпроқ бўлди - 5 га 1. Брейклар бўйича 4 га 3 ҳисобидаги устунлик Зверевга умумий ғалабани тақдим этмади. Энди Музетти Erste Bank Open турнири 1/2 финалида британиялик Жек Дрэйперга қарши кортга чиқади.