Эртага Тошкентда WSB турнирининг финали ўтказилади

Бу йил олтинчи мавсуми ўтказилаётган мусобақанинг бош мукофоти учун Кубанинг “Cuba Domadores” ҳамда Буюк Британиянинг “British Lionhearts” жамоалари рингга кўтарилишади.

Ушбу финал учрашуви муҳташам “Ўзбекистон” спорт саройида бўлиб ўтади. Жанглар 10та вазн тоифасида ташкил этилади. Агар ҳисоб тенглашиб қолса, чемпион жамоа номини аниқлан учун қўшимча жанг ўтказилади.

С1 жамоаси: 49 кг, 56 кг, 64 кг, 75 кг, 91 кг

С2 жамоаси: 52 кг, 60 кг, 69 кг, 81 кг, +91 кг

Эслатиб ўтамиз, ушбу мусобақада илк маротаба иштирок этган “Ўзбек йўлбарслари” жамоаси турнирнинг ярим финалида айнан Куба боксчиларига Гавана шаҳрида ўтказиладиган жангларда имкониятни бой берган эди.

Британия жамоаси эса ярим финалда мусобақанинг амалдаги ғолиби Қозоғистоннинг “Астана Арланс” жамоасидан устун келганди. Бугун финал иштирокчилари ўртасида матбуот анжумани ташкил этилади.