Эртанги чемпионлик жанглари олдидан вазн ўлчаш ва сўнгги face to face маросими бўлиб ўтди

Унинг co-main event жангида иккинчи ўрта вазн тоифасида вақтинчалик WBC чемпиони 27 ёшли Дэвид Бенавидес яримоғир вазнда собиқ жаҳон чемпиони, украиналик 37 ёшли Александр Гвоздикка қарши рингга кўтарилади. Бенавидис 28 та ғалабали жангининг 24 тасини муддатидан аввал якунлаган. Ундан 10 ёшга катта Гвоздикда эса 20 ғалаба ва 1 мағлубият бор.  

Эртанги жанг олдидан боксчилар тарозидан ўтиш ҳамда сўнгги face to face маросимларида ҳозир бўлишди. Иккала боксчи ҳам бир хил - 79 кг вазн қайд этди ва белгиланган вазн меъёрини бажарди. Ушбу жанг ғолиби яримоғир вазнда вақтинчалик WBC чемпионлик камарини қўлга киритади.

Premier Boxing Champions промоутерлик компанияси томонидан ташкил этилаётган оқшомнинг марказий жанги эса енгил вазнда WBA чемпиони Жервонта Дэвис (29-0, 27 КO) иштирокида ўтказилади. Узоқ муддатли танаффусдан сўнг рингга қайтаётган америкалик 29 ёшли Жервонта ўзи билан тенгдош, мағлубият нималигини билмай келаётган ватандоши Фрэнк Мартин (18-0, 12 КО) билан жанг қилади. Дэвис тарозида — 60,51 кг, унинг рақиби эса — 60,96 кг тош босди. Жанг ўз кучида қолди.