24 янв 18:46
Янгиликлар

Футбол

Эшитдик-да! Ўзбекистон футзал терма жамоасининг янги бош мураббийи маълум

Футзал бўйича Ўзбекистон миллий терма жамоасига ким бош мураббий бўлиши аниқ бўлди.

Ўтган йили юртимиз мезбонлик қилган жаҳон чемпионатидан сўнг испаниялик мураббий Хосе Венансио Лопес истеъфога чиққанди. Шундан буён, терма жамоамизга ким устозлик қилиши аниқ бўлмай келаётганди.

Championat.asia сайти маълумотига кўра, сўнгги уч йилда "БМБ" клуби билан бирга Ўзбекистон чемпиони бўлган Нодир Элибоев терма жамоамизнинг янги бош мураббийи бўлади.

Терма жамоамизнинг навбатдаги мусобақаларида футзалчиларимиз Нодир Элибоев бошчилигида иштирок этадилар.