Эшкак эшувчиларимиз лицензион турнирга жўнаб кетишди. Таркибда жиддий ўзгариш

Ташкилотчилар шартига кўра, барча иштирокчилар Таиландга етиб боришгач 10 кунлик карантинда бўлишади ва улар учун ажратилган ҳудуддагина машғулот олиб боришлари мумкин бўлади.

29 апрель – 2 май кунлари слалом бўйича баҳслар бўлиб ўтса, 5-7 май кунлари байдарка ва каноэчилар Токио-2020 йўлланмалари учун кураш олиб боришади. Маълумот учун, мусобақада фақат биринчи ўринни қўлга киритган спортчиларгина Олимпиада йўлланмаларига эга чиқишади.

Таркибга назар ташлайдиган бўлсак, 2 карра жаҳон чемпиони, 4 карра Осиё ўйинлари ғолиби, Пекин-2008, Лондон-2012 ва Рио-2016 Олимпия ўйинлари иштирокчиси Вадим Меньковни учратмаймиз. Мураббийлар штаби мазкур йўналишда Бекзод Умаралиевнинг имкониятларини юқори баҳолашган. 

Жамоамиз Таиландга қуйидаги таркибда йўл олди:

Слалом:
Баркамол Мирзаҳмедов ва Жанибек Темиргалиев (иккаласи К-1)
Алибек Темиргалиев ва Абубакир Буканов (иккаласи С-1)

Байдарка:
Шаҳриёр Маҳкамов (К1, 1000 метр)
Шоҳруҳ Аъзамов ва Жавоҳир Нурматов (К2, 1000 метр)
Екатерина Шубина (К1, 200 метр)
Денис Онуфриев (К1, 200 метр)
Арина Танатмишева (К1, 500 метр)

Каноэ:
Бекзод Умаралиев (С1, 1000 метр)
Владлен Денисов ва Герасим Кочнев (С2, 1000 метр)
Гулбаҳор Файзиева (С1, 200 метр)