23 авг 10:54
Янгиликлар

Теннис

Эшли Барти Цинцинаттида $255,220 ва 900 очко ишлаб олди

АҚШнинг Цинцинатти шаҳрида ўтказилган аёллар ўртасидаги "Премьера" туркумидаги нуфузли мусобақа австралиялик Эшли Бартининг триумфи билан якунланди.

Сайёрамизнинг биринчи рақамли теннис маликаси бош соврин учун кечган учрашувда WTA рейтингининг 76-поғонасидан жой олиб турган швейцариялик Жиль Тайманни 6/3, 6/1 ҳисобларида таслим этди.

Бу теннисчиларнинг ўзаро ўтказган илк учрашуви эди. Бир соату 13 дақиқа давом этган баҳсда 25 ёшли Барти 8 та, 24 яшар Тайманн эса 2 та эйс зарбани ижро этди. Western & Southern Open турниридаги иштирок Бартига 900 рейтинг очкоси ҳамда 255,220 доллар мукофот пули келтирди.