ESPN Espy "Йилнинг энг яхши жангчиси"ни аниқлади. У Махачев ёки Топурия эмас!

Энг енгил вазнда амалдаги UFC чемпиони Мераб Двалишвили бирозгина кутилмаганда ушбу номинация ғолиби деб топилди. ESPN сайтида очиқ тарзда ўтказилган сўровномада грузиялик аралаш яккакураш устаси энг кўп овоз тўплашга муваффақ бўлди. 

У сўровномада ўрта вазн чемпиони Дрикус Дю Плесси, аёллар ўртасида ўта енгил вазнда UFC камари соҳиби Кайла Харрисон ҳамда енгил вазн тоифасида собиқ промоушен чемпиони Ислам Махачевни ортда қолдирди. 

Қизиғи, вазн тоифасидан қатъи назар дунёнинг энг яхши UFC жангчиси Илия Топурия бу сўровномада иштирок этмаган. Бунда сўровномада иштирок этган жангчиларнинг 2024 йилнинг 1 июлидан 2025 йилнинг 20 июнигача бўлган вақтдаги натижалари инобатга олинган. 

Мераб Двалишвили бу кўрсатилган муддатда 3 та чемпионлик жангида ғалаба қозонди. Ўтган йилнинг сентябрь ойида Шон О’Мэллидан камарни тортиб олди. Кейин россиялик Умар Нурмагомедовга қарши жангда камарини илк бор ҳимоя қилди. Яқинда Шонга қарши ўтказилган реванш жангида америкаликни яна таслим этди.

ESPN Espy Awards 2025 ғолиблари расман 16 июль куни тантанали тақдирлаш маросимида эълон қилинади.