European Open. Монфис 119-ракеткага имкониятни бой берди

Дунёнинг 13-ракеткаси бўлиб турган франциялик Гаэль Монфис ўз рақамига монанд тарзда омадсизликка учради. Гаэль иккинчи давра учрашувида рейтингнинг 119-поғонасидан жой олиб турган италиялик Янник Синнерга ютқазиб қўйди - 3/6, 2/6.

Монфиснинг мағлубияти билан якунланган учрашув роппа роса бир соат давом этган. Ушбу вақт мобайнида 33 ёшли Гаэль 9, 18 ёшли Янник эса 2 та эйс зарбани амалга оширган. Бу теннисчиларнинг ўзаро ўтказган илк ўйини бўлди. Янник European Open турнирининг чорак финалида америкалик Фрэнсис Тиафога қарши кортга чиқади.