“Эвертон” 126 йиллик натижасини такрорлади

АПЛ 4-турида “Брайтон” устидан ғалабага эришган “Эвертон” ўзининг 126 йил аввалги рекордини такрорлади. Бу Анчелотти жамоасининг АПЛда қаторасига тўртинчи, барча турнирларда эса еттинчи кетма-кет эришилган ғалабаси бўлди.

Opta Sports маълумотларига кўра, “Эвертон” ўз тарихида иккинчи марта мавсумнинг кетма-кет еттита ўйинида ғолибликка эришди. Бундай натижа илк марта 1894/95 йилги мавсумда кузатилганди. Шу тариқа мерсисайдликлар 126 йил илгари ўрнатилган рекордни такрорлашди.