Fair Fight 16. Бугун Тифиев ва Мамазулунов рингга чиқади + ФОТО

Ушбу кикбоксинг оқшомида икки ҳамюртимиз Шер Мамазулунов ҳамда Мавлуд Тифиев ҳам ўз жангларини ўтказишади. Кеча эса уларнинг ҳар иккиси ҳам тарозидан ўтиш маросимида иштирок этиб, белгиланган вазн меъёрини бажаришди. 

Мавлуд Тифиев (43-13-2) россиялик Кямран Набати (10-0), -84 кг вазн тоифасида кикбоксингчимиз Шер Мамазулунов (15-6) эса яна бир мезбон яккакураш устаси Сергей Пономарёвга қарши жанг ўтказади. Ушбу жанг Fair Fight лигасининг вақтинчалик чемпионлик камари учун кечади.

Аслида Пономарёв билан лига чемпиони Андрей Чекхонин (30-6-1) учрашиши керак эди. Аммо, номаълум сабабларга кўра, лига Чекхонин ушбу жангга чиқа олмаслигини маълум қилди ҳамда тезкорлик билан Пономарёвга қарши Мамазулунов жанг қилишини эълон қилди.

Шер Мамазулунов Fair Fight лигасининг фахрий жангчиси. У 2017 йилда ташкилотда жанг қилган ва -77 кг вазн тоифасида чемпион бўлган. Кейинроқ -84 кг вазн тоифасига қайтган, ушбу дивизионда WТКF чемпиони бўлган ва ТNА финалида икки бор ғалаба қозонган.