31 авг 13:39
Янгиликлар

Бокс/ММА

Mangu 5 турнири учун яна бир қизиқарли жанг тасдиқланди + ПОСТЕР

Теглар : Мавлуд Тифиев Mangu Professional League

Хабарингиз бор, 26 сентябрь куни пойтахтимиздаги "Ҳумо Арена" мажмуасида Mangu Professional League томонидан ҳисоб бўйича бешинчи турнир ташкил этилади.

Лига раҳбарияти Mangu 5 турнири кардидан ўрин олган навбатдаги қизиқарли жангни эълон қилди. Базаси муай-тай бўлган таниқли аралаш яккакураш устамиз Мавлуд Тифиев (5-1-0) хитойлик Жун Ин (10-5-0)га қарши октагонга чиқади. Ушбу жанг ярим енгил (65,8 кг) вазн тоифасда ўтказилади.

Маълумот учун, Мавлуд Тифиев фаолияти давомида 5 ғалаба ва 1 мағлубият қайд этган. Жун Инь ҳисобида эса 10 ғалаба ва 5 мағлубият бор.

Эслатиб ўтамиз, Тифиев Mangu 2 турнирида озарбайжонлик Жейхун Асадлини иккинчи раундда нокаутга учратган эди. Мавлуднинг ўша ғалабаси "Кечанинг энг яхши нокаути" бонусига лойиқ кўрилганди.