12 фев 19:09
Янгиликлар

Кикбоксинг

Fair Fight 16. Мавлуд Тифиев иштирокидаги жанг якунланди + ФОТО

Айни дақиқаларда Россиянинг Екатеринбург шаҳридаги РМК яккакураш академияси аренасида Fair Fight 16 турнири бўлиб ўтмоқда.

Ушбу кикбоксинг оқшомида икки ҳамюртимиз Шер Мамазулунов ҳамда Мавлуд Тифиевнинг ҳам ўз жангларини ўтказишлари ҳақида хабар берган эдик. Ҳозиргина Тифиев (43-13-2) иштирокидаги жанг якунланди. Ҳамюртимиз россиялик Кямран Набати (11-0)га уч раунд тўлиқ давом этган жанг якунида имкониятни бой бериб қўйди.

-84 кг вазн тоифасида кикбоксинг йўналишида кечган жангда ҳакамлар мезбон яккакураш устасининг ғалабасини таъминлашди. Тифиев табиийки, натижадан норозилигини билдирди. Набати фаолиятидаги 11-жангидаги 11-ғалабасини тантана қилди.

Бироздан сўнг яна бир юртдошимиз Шер Мамазулунов (15-6) россиялик яккакураш устаси Сергей Пономарёвга қарши жанг ўтказади. Ушбу жанг Fair Fight лигасининг вақтинчалик чемпионлик камари учун кечади.