Фарғона “Челленжер”и асосий тўрида 5 теннисчимиз

Асосий тўрда 5 нафар теннисчимиз иштирок этади. Унга кўра, Темур Исмоилов илк даврада бельгиялик Жульен Дубаил, Жўрабек Каримов турнирнинг учинчи ракеткаси россиялик Александр Кудрявцев, Ҳумоюн Султонов сербиялик Никола Милошевич, Санжар Файзиев 4-ракетка қозоғистонлик Дмитрий Попко, Шониғматжон Шофайзиев франциялик Садио Доумбиога қарши кортга чиқади.

Фарғона “Челленжер” турнирининг биринчи ракеткаси сифатида россиялик Константин Кравчук қайд этилган. У дунё рейтингида 109-ўринни эгаллаб турибди. Молдовалик Раду Албот иккинчи ракетка бўлиб, ATP рейтингида 113-поғонадан жой олган.

Мусобақа ғолиби 7,200 доллар мукофот пули ҳамда 90 рейтинг очкосига эга бўлади. Финалчи 4,240 доллар ҳамда 55 долларни қўлга киритади. Биринчи даврада кортга чиққан барча теннисчилар ўз ҳамёнларини 520 долларга бойитиб олишади.