Фаррух Қиличев 69 килограмдаги асосий рақибимиз кимлигини айтди

Бобо-Усмон Батуровнинг асосий рақиби ким деган саволга мураббий қуйидагича жавоб берди.

"Япониялик Севон Окадзава асосий рақиблардан бири. Батуров уни Осиё чемпионатида мағлуб қилган. Лекин, ўз уйингда деворлар ҳам ёрдам беради. Японияликлар ҳам олтин учун ҳаракат қилишади. Қозоғистонлик Аблайхан Жусупов ҳам яхши боксчи. Умуман олганда 69 кг вазнда 26 боксчи бор", - деб жавоб берди Фаррух Қиличев.

Маълумот учун, 2004 йилдан буён Олимпия ўйинларида -69 кг вазн тоифасида фақат қозоғистонлик боксчилар олтин медални қўлга киритиб келишади.