03 окт 12:45
Янгиликлар

Теннис

Файзиев Алмати “Челленжер”идаги иштирокини якунлади

Қозоғистоннинг Алмати шаҳрида теннис бўйича соврин жамғармаси 50 000 АҚШ долларини ташкил қилувчи турнир давом этмоқда.

“Челленжер” туркумига кирувчи ушбу мусобақада ҳамюртимиз Санжар Файзиев ҳам ўз имкониятини синовдан ўтказаётганди. Аввалига жуфтлик баҳсларида ютқазган ҳамюртимиз бир неча дақиқа аввал яккалик турнирида ҳам мағлубият аламини тотиб кўрди.

Мамлакатимизнинг иккинчи ракеткаси яккаликнинг биринчи даврасида турнирнинг иккинчи ракеткаси Филипп Крайиновичга қарши кортга чиқди ва рақибига икки сетда ҳам бир хил 2:6 ҳисобида имкониятни бой бериб қўйди. Энди Файзиев Тошкент “Челленжер”ида иштирок этади.