18 мар 09:48
Янгиликлар

Теннис

Файзиев - Қозон турнири вице-чемпиони!

Россиянинг Қозон шаҳрида ўтказилган “Фьючерс” туркумига кирувчи турнир ўз якунига етди.

Соврин жамғармаси 25 000 АҚШ долларини ташкил қилувчи мусобақада ҳамюртларимиз Санжар Файзиев ва Ҳумоюн Султонов ҳам иштирок этишди. Турнирда олтинчи рақам остидан сараланган Султонов яккалик баҳсларининг чорак финалида ўз юришини тўхтатган эди.

Санжар Файзиев эса финалда ўйнади. У бош соврин учун кечган учрашувда россиялик Роман Сафиулинга қарши кортга чиқди. Биринчи сетни 3:6 ҳисобида бой берган Санжар иккинчи сетда рақибига ҳеч қандай имконият қолдирмади - 6:1. Лекин ҳал қилувчи учинчи сетда Роман 6:4 ҳисобида ғалаба қозониб, бош мукофотга эга чиқди.