02 ноя 15:45
Янгиликлар

Теннис

Файзиев Қувайт турнирида чорак финалга чиқди

Қувайтнинг Мишреф шаҳрида мукофот жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.

Ушбу “Фьючерс” туркумига кирувчи мусобақанинг яккалик баҳсларида терма жамоамиз аъзоси Санжар Файзиев муваффақиятли одимламоқда.

Турнирнинг биринчи ракеткаси сифатида ҳаракат қилаётган Файзиев бугун иккинчи босқич учрашувида руминиялик Андрей Патруини 6:0, 6:1 ҳисобида мағлуб этди.

Унинг чорак финалдаги рақиби туркманистонлик Иса Мамметгулиев бўлади. Иса иккинчи даврада турнирнинг саккизинчи ракеткаси, голландиялик Паул Монтебанни 7:6(4), 6:4 ҳисобида мағлуб этди.

Хабар берганимиздек, яккалик баҳсларида қатнашган яна бир ҳамюртимиз Шониғмат Шофайзиев илк даврада айнан Монтебанга 2:6, 5:7 ҳисобида имкониятни бой берганди.

Ҳавола :

Манба : olamsport.com

Рейтинг: +1