01 авг 13:02
Янгиликлар

Теннис

Файзиевнинг Нонтабуридаги юриши давом этади

Хабар берганимиздек, Таиланднинг Нонтабури шаҳрида "Фьючерс" туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада икки теннисчимиз юртимиз шарафини ҳимоя қиляпти. Сергей Фоминдан сўнг Санжар Файзиев ҳам ўз учрашувида ғалаба қозониб, чорак финалга йўл олди.

Турнирнинг иккинчи ракеткаси бўлган Файзиев бир неча дақиқа аввал якунланган иккинчи давра учрашувда америкалик Дасти Бойерни 3:6, 6:3, 6:4 ҳисобида енгди. Ушбу баҳс 1 соату 52 дақиқа давом этган. Энди Санжар чорак финалда турнирнинг бешинчи ракеткаси, япониялик Рио Ногучига қарши кортга чиқади.