Федерер фаолиятидаги сўнгги ўйини ҳақида: «Мен бахтлиман, хафа эмасман»

“Бу ажойиб кун эди. Йигитларга бахтлиман, хафа эмасман, дедим. Мен хурсандчилик билан кроссовкаларимдаги боғичларни қайта боғладим. Ҳаммаси охирги марта эди.

Қизиқ, ўйиндан сўнг атрофда йигитлар, яқинларим, дўстларим борлиги туфайли мен унчалик стрессга тушмадим. Лекин ўйин давомида оёғим ёки белим оғриб қолишидан қўрқдим. Бутун ўйинни ўйнай олганимдан жуда хурсандман.

Учрашув ажойиб ўтди, мен жуда ҳам хурсандман. Ҳаммаси ажойиб бўлди.

Ва, албатта, Рафа билан бир жамоада ўйнаш, барча йигитлар ва афсоналар сафида бўлиш... Ракет (Род Лэйвер), Стефан Эдберг, раҳмат. (Йиғлай бошлайди).

Атрофда йигитлар борлиги жуда яхши бўлди. Ўйиндан сўнг, охирги марта кортга чиққанимда ўзимни ёлғиз ҳис қилишни хоҳламадим. Ва бу ажойиб ўтди. Лекин жамоа билан хайрлашиш...

Шу вақтгача мен билан бирга бўлган жамоамга раҳмат. Энди, Томас, Новак, Маттео, Cам, Стефанос, Рафа ва Каспер сизларга раҳмат айтаман. Ва, албатта, бошқа жамоа аъзоларига ҳам. Йигитлар, сиз ақл бовар қилмайдиган инсонсизлар. "Лэйвер Кубоги"ни кўп марта ўйнаш - бу жуда ёқимли.

Ва менда бу байрамдек бўлганини ҳис қилдим. Мен бу туйғуни ҳис қилишни доим хоҳлардим ва шундай бўлди. Теннис ўйнашдан ва дўстларим билан вақт ўтказишдан хурсанд бўлдим. Бу ажойиб саёҳат бўлди ва мен буни мамнуният билан такрорлайман. (Йиғлаб).

Бу ажойиб, ажойиб, жуда ажойиб эди. Ҳаммага рахмат. Кўпчилик мени қўллаб-қувватлади ва бу мен учун жуда муҳим (йиғлаб).

Федерер шунингдек, рафиқаси Миркага ҳам миннатдорчилик билдирди: “У мени анча олдин тўхтатиши мумкин эди. Лекин у бундай қилмади. У менга куч берди ва ўйнашда давом этишимга ёрдам берди. Бу ажойиб. Раҳмат (йиғлаб)"