30 авг 18:53
Янгиликлар

Теннис

Рожер Федерер теннис шон-шуҳрат залига киритилди

АҚШнинг Ньюпорт шаҳрида "Катта Дубулға" туркумига кирувчи турнирларнинг 20 карра чемпиони Рожер Федерерни Халқаро теннис шон-шуҳрат залига киритиш маросими бўлиб ўтди.

Бу ҳақда International Tennis Hall of Fame расмий сайти хабар берди.

8 август куни Федерер 45 ёшга тўлди. Швейцариялик теннисчи фаолиятини 2022 йил сентябрь ойида Лондонда бўлиб ўтган "Лэйвер кубоги — 2022"да иштирок этганидан сўнг якунлаган эди. Рожер ўз хайрлашув учрашувини жуфтлик баҳсида "Катта Дубулға" турнирларининг 22 карра чемпиони, собиқ биринчи ракетка, испаниялик Рафаэль Надаль билан биргаликда ўтказган.

Аввалроқ Рожер US Open — 2026 доирасидаги "Мухлислар ҳафталиги"да иккита кўргазмали ўйин ўтказган эди. Дастлаб теннисчи Энди Роддикка қарши битта сет ўйнаб, 6:3 ҳисобида ғалаба қозонди. Сўнгра Жон Макинрой билан жуфтликда Андре Агасси ва Роддикни 7:5 ҳисобида мағлуб этди.