Федор Eмельяненко Россия терма жамоасини халқаро мусобақаларда қатнашишга рухсат беришни сўраб мурожаат қилди

"Яқин яқингача спорт сиёсатдан ташқарида эди. Аммо, ҳозир шундай вазият юзага келдики, иқтидорли россиялик спортчилар давлатлар ўртасидаги ижтимоий-сиёсий муаммолар сабаб азият чекмоқда.

Умидлар, режа ва улкан саъй-ҳаракатлар йўққа чиқди. Ишончимиз комил, спортчилар муносиб рақиблар билан беллашишлари керак. Чунки бу спортни ривожлантириш учун муҳим. Бизнинг жамоа эса дунёдаги энг кучли жамоалардан бири.

Бутун бир рақобатбардош ва доимий ривожланаётган жамоа ММА оламини тарк этди. Қайд этишни истардикки, бу йил Россия терма жамоаси миллий чемпионат доирасида шакллантирилди ва келаси йил барча халқаро мусобақаларда қатнашишга тайёр", - деди Емельяненко ўз баёнотида.

Шу йилнинг март ойида Халқаро ММА ассоциацияси (IMMAF) Россия ва беларуслик жангчиларни халқаро мусобақаларда иштирок этишини тақиқлаган эди.