14 окт 16:32
Янгиликлар
Футбол
Ферран Торрес Болгарияга қарши ўйинни ўтказиб юборади
"Барселона" ва Испания терма жамоаси ҳужумчиси Ферран Торрес жароҳат туфайли Болгарияга қарши ЖЧ-2026 саралаш ўйинида қатнашмайди.
Испания қироллиги футбол федерацияси матбуот хизмати хабарига кўра, 25 ёшли футболчи Грузия билан ўйиндан кейин мушакларида ноқулайлик сезган. Тиббий текширувда Торреснинг мушаклари зўриқиши аниқланган, шу сабаб у Болгарияга қарши ўйинда "қизил фурия" таркибига киритилмаган. Торрес тез орада "Барселона" ихтиёрига қайтиб, жароҳатидан тикланишни бошлайди.
Эслатиб ўтамиз, Ферран Торрес Грузияга қарши ўйинда тўлиқ 90 дақиқа ўйнади, аммо гол уролмади. Якунда Испания 2:0 ҳисобида ғалаба қозонди.
Ҳавола :
Манба : Barca Blaugranes
Фикрлар