10 июн 10:08
Янгиликлар

Формула-1

Феттель финишга биринчи етиб келди, чемпионлик эса Хэмилтонга насиб этди

Монреаль шаҳрида “Формула-1” чемпионати доирасидаги Канада Гран-приси якунланди.

Мавсумнинг энг драматик мусобақаси номини олган Канада Гран-присида Себастьян Феттель финишга биринчи бўлиб етиб келди. Лекин якунда у иккинчи ўринни эгаллади, ғолиблик эса Льюис Хэмилтонга насиб этди. Феттелга 5 сониялик жарима панд берди.

Бу билан “Мерседес” жамоасининг ғолибона серияси давом этди. Хэмилтон фаолиятидаги 78, мавсумдаги 5-пойгасида ғолиб бўлди. Британиялик жаҳон чемпиони еттинчи маротаба Канада Гран-присида чемпион бўлди ва бу билан афсонавий Михаэль Шумахернинг рекордини такрорлади.

Пойгада Шарль Леклер кучли учликка якун ясади. Икки ҳафтадан сўнг мухлислар Монако Гран-присига гувоҳ бўлишади.