Феттель ва Стролл 2022 йилги мавсумда "Астон Мартин"да қолишади

Лэнс Стролл ва Себастьян Феттель жамоада қолишади.

Стролл 2019 йилдан бери "Астон Мартин" вакили ҳисобланади. Феттель эса жорий мавсум канадалик пойгачига шерик бўлди ва Озарбайжон Гран-присида иккинчи ўринни эгаллади.

Аввалроқ, "Формула-1"нинг тўрт карра чемпиони мавсум охирида жамоани тарк этиши мумкинлиги ҳақида хабарлар тарқалган эди. Унинг шартномаси "1+1" кўринишида имзоланган ва томонлар узайтириш вариантини кўриб чиқишга келишиб олишган эди.

"Ўзгаришлар жуда катта, шунинг учун ҳар бир жамоа нолдан бошлайди, бу бизнинг жамоамиз учун ажойиб имконият. Мен "Астон Мартин"нинг кучига ишонаман, шунинг учун 2022 йилги мавсум бошланишини сабрсизлик билан кутяпман”, - деди Себастьян Феттель шартномани узайтириш борасида гапирар экан.