29 июл 14:39
Янгиликлар
Формула-1
Льюис Хэмилтон Феттелга: «Сени рақобатчи деб аташ мен учун шараф»
Етти карра жаҳон чемпиони, «Мерседес» пилоти Льюис Хэмилтон жорий мавсум якунида «Формула-1»даги фаолиятини якунлашини эълон қилган Себастьян Феттелга мурожаат қилди.
«Себастьян, сени рақобатчи деб аташ мен учун шараф, дўстим деб аташ эса ундан ҳам катта шараф. Ушбу спорт турини бу ерга биринчи келганингдагидек энг яхши ҳолатда қолдириш ҳар доим катта мақсад аслида. Кейинги ҳаётда сени кутаётган ҳамма нарса ҳаяжонли, мазмунли ва фойдали бўлишига шубҳа қилмайман. Сени яхши кўраман», — деб ёзди Хэмилтон ўзининг ижтимоий тармоқдаги саҳифасига.
Эслатиб ўтамиз, аввалроқ тўрт карра жаҳон чемпиони, айни вақтда «Астон Мартин» шарафини ҳимоя қилаётган Себастьян Феттель мавсум якунида «Формула-1» даги фаолиятини якунлашини эълон қилди.
Ҳавола :
Манба : championat.com
Фикрлар