27 авг 13:42
Янгиликлар

Бокс/ММА

Мадримовнинг вазнидаги Себастьян Фундорага мажбрий чемпионлик ҳимояси белгиланди

Биринчи ўрта вазн тоифасида WВC йўналиши чемпиони Себастян Фундоранинг навбатдаги жанг тафсилотлари маълум бўлди.

Америкалик бўйдор чемпион 17 октябрь куни Калифорнияда мажбурий даъвогар Эрмал Хадрибей (23-0-1, 8 КО)га қарши рингга чиқади. Бу ҳақда Premier Boxing Champions компанияси эълон қилди. 28 ёшли Фундора ўз чемпионлик унвонини охирги марта жорий йилнинг март ойида собиқ жаҳон чемпиони Кит Турманни мағлуб этиб, ҳимоя қилган эди.

32 ёшли албан боксчиси Эрмал Хадрибей шу йилнинг май ойида ўтказилган саралаш жангида Бакари Самакени мағлуб этиб, мажбурий даъвогарга айланганди. Агар Фундора ғалаба қозонса, у WВА ва WВО чемпиони Жарон Эннисга қарши бирлаштирувчи жанг бўйича музокараларни бошлаши мумкин. Ҳозирда ҳар икки чемпионнинг промоутерлари DAZN стриминг хизмати билан ҳамкорлик қилмоқда.