18 окт 14:15
Янгиликлар

Бокс/ММА

Мадримовнинг вазнидаги Фундора WBC чемпионлик камарини ҳимоя қилди

АҚШнинг Лас-Вегас шаҳрида профессионал бокс оқшоми бўлиб ўтди ва унинг асосий жанги сўнгги сонияда тўхтатилди.

Кечанинг марказий жангида биринчи ўрта вазн тоифасида (69,9 кг гача) WBC йўналиши чемпиони, америкалик Себастьян Фундора (24-1-1, 16 КО) ўз ватандоши Эрмал Хадрибай (23-0-1, 8 КО) билан тўқнаш келди.

Ўн икки раундлик жангда Фундора техник нокаут эвазига ғалаба қозонди. Қизиғи, чемпион рақибини жанг тугашига бир сония қолганида муддатидан аввал нокаутга учратди ва шу тариқа ўз камарини муваффақиятли ҳимоя қилди.

Маълумот учун, 28 ёшли Себастьян Фундора профессионал рингдаги фаолиятини 2016 йилда бошлаган. 2024 йилда мутлақ жаҳон чемпиони бўлган, кейинчалик титулларидан бирини топширган. Хадрибай устидан қозонилган ғалаба унинг WBC чемпионлик камарини тўртинчи бор ҳимоя қилиши бўлди.