ФИДЕ Жаҳон Кубоги. АҚШ шарафини ҳимоя қилаётган Гулруҳбегим 1/32 финал илк баҳсини ўтказди + ФОТО

ФИДЕ Жаҳон Кубогидан АҚШ шарафини ҳимоя қила бошлаган аёл гроссмейстеримиз Гулруҳбегим Тоҳиржонова 1/32 финал босқичининг илк партиясида россиялик 23 ёшли шахматчи Александра Горячкинага қарши дона сурди ва рейтингда ўзидан анча юқорида турган кучли рақибасига имкониятни бой берди. Россиялик гроссмейстер иккинчи босқичга тўғридан-тўғри йўлланма олган эди. Бугун шахматчилар ўртасида иккинчи партия ўйналади. 

Ўзбекистонлик биринчи аёл гроссмейстер Нафиса Мўминованинг кичик синглиси бўлган 22 ёшли Гулруҳбегим умумий мукофот жамғармаси 676 250 долларни ташкил этувчи ҳамда дунёнинг 103 нафар кучли шахматчилари дона сураётган мусобақанинг 1/64 финал босқичида аргентиналик 36 ёшли Каролина Луанни 1,5:0,5 ҳисобида мағлубиятга учратганди.

Эслатиб ўтамиз, Ўзбекистон аёллар терма жамоасининг ҳар иккала вакиласи Нилуфар Ёқуббоева ва Умида Омонова биринчи даврадаёқ икки партия якунига кўра мағлубиятга учраб, Жаҳон Кубогидаги иштирокларини якунлашган.