17 июл 08:24
Янгиликлар

Шахмат

ФИДЕ Жаҳон Кубоги. АҚШ шарафини ҳимоя қилаётган Тоҳиржонова 1/32 финалнинг иккинчи партиясини ўтказди!

Хабар берганимиздек, Россиянинг Сочи шаҳрида шахмат бўйича эркаклар ва аёллар ўртасида ФИДЕ Жаҳон Кубоги бўлиб ўтмоқда.

Умумий мукофот жамғармаси 676 250 долларни ташкил этувчи ҳамда дунёнинг 103 нафар кучли шахматчилари дона сураётган мусобақанинг 1/32 финалида АҚШ шарафини ҳимоя қилаётган аёл гроссмейстеримиз Гулруҳбегим Тоҳиржонова ушбу босқичнинг иккинчи партиясини ўтказди.

Ўзбекистонлик биринчи аёл гроссмейстер Нафиса Мўминованинг кичик синглиси бўлган 22 ёшли Гулруҳбегим россиялик 23 ёшли гроссмейстер Александра Горячкинага иккинчи партияда ҳам ютқазиб қўйди ва мусобақадаги иштирокини якунлади.

Эслатиб ўтамиз, Ўзбекистон аёллар терма жамоасининг ҳар иккала вакиласи Нилуфар Ёқуббоева ва Умида Омонова биринчи даврадаёқ икки партия якунига кўра мағлубиятга учраб, Жаҳон Кубогидаги иштирокларини якунлашган эди.