24 июл 18:04
Янгиликлар
Шахмат
FIDE президенти Европа Иттифоқи санкцияларига тушди ва ваколатларини вақтинча тўхтатди
Халқаро шахмат федерацияси (FIDE) президенти, россиялик Аркадий Дворкович Европа Иттифоқининг Россияга қарши қабул қилинган 21-санкциялар пакетига киритилди.
Бунинг ортидан Дворкович FIDE президенти сифатидаги ваколатларини вақтинча тўхтатишини эълон қилди. Унинг айтишича, бу қарор санкциялар FIDE ишига таъсир кўрсатмаслиги учун қабул қилинган.
Россиялик амалдор Европа Иттифоқи санкцияларини “ноқонуний ва адолатсиз” деб атаб, улар устидан судга мурожаат қилишини билдирди.
FIDE низомига кўра, Дворковичнинг ваколатлари тиклангунига қадар унинг вазифасини вице-президент, ҳиндистонлик шахмат афсонаси Вишванатан Ананд бажаради.
Маълумот учун, FIDE’нинг навбатдаги Бош ассамблеяси ва президентлик сайлови жорий йил сентябрь ойида Самарқандда ўтказилади. Дворкович ушбу сайловда яна номзод сифатида қатнашишни режалаштираётган эди.
Ҳавола :
Манба : Pressuzb
Фикрлар