27 дек 14:10
Янгиликлар

Футбол

Флорентино Пересни "тахтдан" ағдаришмоқчи

Клубнинг собиқ президенти Висенте Болуда бу ишни амалга оширмоқчи.

"Реал" клубининг собиқ президенти Висенте Болуда яна ўз лавозимига қайтмоқчи. Испан манбааларининг хабарига кўра, 64-ёшли испаниялик бизнесмен ва сиёсатчи "Мадрид"га қайтса, катта сумма эвазига қатор трансферларни амалга ошириш ниятида.

— Менда пул бор. Биз жамоага уч футболчини олиб келишимиз зарур. "Реал" таркибини кучайтириш керак, — деди Болуда.

Уч трансфер деганда, Висенте кимларни назарда тутгани номаълум, у аниқ исмларни тилга олмаган.

"Реал" президентлигига сайлов 2021 йил бўлиб ўтади. Клубнинг ҳозирги президенти Флорентино Перес сўнгги икки бор рақобатчи йўқлиги сабабли ҳам, овоз беришларсиз қайта сайланган эди.