07 июн 10:32
Янгиликлар
Бокс/ММА
Флойднинг гонорари Полдан 40 баробарга кўп бўлди
Хабар берганимиздек, бугун тонгда кўргазмали кўринишдаги бокс шоуси бўлиб ўтди.
АҚШнинг Флорида штати Майами шаҳридаги Hard Rock Stadium аренада ўтган ушбу оқшомнинг марказий жангида бешта вазнда собиқ жаҳон чемпиони, америкалик 44 ёшли афсонавий Флойд Мейвезер 26 ёшли блогер Логан Полга қарши рингга кўтарилди.
Саккиз раундга мўлжалланган жанг тўлиқ давом этди ва унда ғолиб аниқланмади. Аввалдан жанг тўлиқ давом этса, ғолиб очколар ҳисобига кўра эълон қилинмаслигини айтилган эди. Умумий қарайдиган бўлсак, жанг давомида Мейвезернинг устунлиги сезилиб турди.
Флойд Мейвезер бугунги жангидан кафолатланган 10 миллион доллар гонорар ишлаб олди. У шунингдек, пуллик трансляциядан тушадиган даромаднинг 50 фоизига ҳам эга чиқади. Пол эса 250 минг долларга эга бўлди. Унинг трансляциялардан оладиган улуши 10 фоизни ташкил этади.
Ҳавола :
Фикрлар