31 май 13:46
Янгиликлар

Теннис

Фомин иштирокидаги учрашувда M15 Tashkent 2 турнирининг илк финалчиси аниқланди

Пойтахтимизда ўтказилаётган теннис бўйича M15 тоифасига кирувчи турнирнинг илк финалчиси маълум бўлди.

Мукофот жамғармаси 15 000 АҚШ долларидан иборат M15 Tashkent 2 турнирининг илк 1/2 финалида ҳамюртимиз Сергей Фомин афсуски, рейингда ўзидан анча қуйидаги теннисчига ютқазиб қўйди.

Мамлакатимизнинг иккинчи ракеткаси 2 соату 14 дақиқа давом этган учрашувда ATP рейтингида 789-поғонани эгаллаб турган япониялик Рента Токудони 3/6, 6/3, 3/6 ҳисобларида имкониятни бой берди.

Таққослаш учун, Сергей Фомин айни пайтда дунёнинг 453-ракеткаси бўлиб турибди. Япониялик теннисчи эса турнирда тўртинчи рақам остида таснифланган эди. Унинг финалдаги рақиби бироздан сўнг маълум бўлади.

Иккинчи ярим финалда тўртинчи ракеткамиз Максим Шин рейтингда ўзидан юқорида турган италиялик Лоренцо Лоруссога қарши кортга чиқади.