Фомин Қозоғистондаги турнирда муваффақиятли старт олди, Шин ютқазди

Мукофот жамғмараси 15 минг долларни ташкил этган турнирда уч нафар теннисчимиз ҳам ўз имкониятини синаб кўряпти. Мамлакатимизнинг иккинчи ракеткаси Сергей Фомин илк даврада япониялик Шинжи Хазавани 6/2, 6/2 ҳисобида таслим этди. Ҳамюртимиз турнирда иккинчи рақам остида таснифланган бўлиб, дунёнинг 632-ракеткаси бўлиб турибди. Хазава эса ATP рейтингида 1235-поғонадан жой олган.

Учинчи ракеткамиз Максим Шин эса ҳиндистонлик Пражвал Девга имкониятни бой бериб қўйди - 4/6, 4/6. Дев турнирнинг тўртинчи ракеткаси ҳисобланади. У рейтингда 706, Шин эса 1158-поғонани банд этган.