Фомин Уст-Каменогорскда бош соврин учун курашни давом эттиряпти

Мукофот жамғмараси 15 минг долларни ташкил этган турнирда уч нафар теннисчимиз ўз иштирокини бошлаганди. Амир Милушев ва Максим Шин илк даврадаёқ мағлубиятга учради. Сергей Фомин эса икки ғалаба эвазига 1/4 финалга йўл олди. 

Мамлакатимизнинг иккинчи ракеткаси илк даврада япониялик Шинжи Хазавани 6/2, 6/2 ҳисобида таслим этганди. Иккинчи босқичда эса яна бир кунчиқар юрт вакили Казума Кавачига чиқиш эшиклари кўрсатилди - 6/2, 6/2.    

Ҳамюртимиз турнирда иккинчи рақам остида таснифланган бўлиб, дунёнинг 632-ракеткаси бўлиб турибди. Хазава ATP рейтингида 1235, Кавачи эса 1183-поғонадан жой олган. Энди Фомин 1/4 финалда россиялик Савриян Даниловга қарши кортга чиқади.