Фомин ва Файзиев Россиядаги турнирни муваффақиятли бошлашди

Мусобақада икки нафар теннисчимиз Сергей Фомин ва Санжар Файзиев иштирок этмоқда.

Сергей Фомин мусобақанинг 1/16 финал босқичида мезбон теннисчи Денис Клокка қарши кортга чиқди. 2 сет давом этган ўйинда Фомин 6/2, 6/4 ҳисобида ғалаба қозониб, 1/8 финал босқичига чиқди.

Яна бир теннисчимиз Санжар Файзиев 1/16 финалда россиялик Борис Покотиловга қарши ўйин ўтказди. Учрашув 2 сет давом этди ва Файзиев рақибини 7/5, 6/2 ҳисобида мағлубиятга учратди.

Шунингдек, Фомин ва Файзиев тандем ҳосил қилган ҳолда ушбу турнирнинг жуфтлик баҳсларида ҳам қатнашмоқда. Бугун бу тандем 1/8 финал босқичи доирасида россиялик Андрей Уваров ва белоруслик Мартин Борисиоук жуфтлигига қарши кортга чиқди. Турнирда 2-рақам остида сараланган теннисчиларимиз рақибларини 2 сетда 7/5, 6/3 ҳисобида мағлуб этиб, чорак финалга йўл олди.

Теннисчиларимиз яккалик баҳсларидаги иккинчи ўйинни эртага ўтказишади.