ФОТО. Нодирбек Ёқуббоев - Жаҳон чемпионати совриндори!

Унда Ўзбекистон ўсмир ва ёшлар терма жамоаси аъзолари ҳам ўз имкониятларини синовдан ўтказишди. Қувонарлиси, 14 ёшгача ўсмирлар ўртасидаги баҳсларда юртимиз спорт шарафини ҳимоя қилаётган Нодирбек Ёқуббоев жаҳон чемпионатининг бронза медалига сазовор бўлди.

Нодирбек 11 имкониятдан 8 очко жамғариб, қўшимча кўрсаткичларга кўра 3-ўринни эгаллади. У сўнгги 11-турда қора доналарда ўйнашига қарамай, рейтингда ўзидан юқорида турган украиналик Кирил Шевченкони мағлубиятга учратди.

Ушбу ёш тоифасида жаҳон чемпиони бўлиш россиялик Семен Ломасовга насиб этди. Ломасов сингари 9 очко тўплаган яна бир рус шахматчиси Андрей Есипенко кумуш медал билан тақдирланди.

16 ёшлилар гуруҳида қатнашган Сайдали Саидакбаров қўшимча кўрсаткичларга кўра 16-ўринни эгаллади. Саккизинчи поғонадаги шахматчи ҳисобида ҳам Саидакбаров каби 7 очко бор.

16 ёшли қизлар гуруҳида иштирок этган шахматчимиз Нилуфар Ёқуббоева эса 6,5 очко билан 10-ўринни эгаллади. 18 ёшгача бўлган шаҳматчилар мусобақасида қатнашган Баҳора Абдусатторова қўшимча кўрсаткичларга кўра 6,5 очко билан 13-поғонани бад этди.

Ва ниҳоят, 18 ёшли ўғил болалар мусобақасида ўз маҳоратини намойиш этган Адил Раҳмон 11 имкониятдан 6 очко тўплаб, 21-ўрин билан кифояланди.