ФОТО Олимпиададан кейинги илк IJF мусобақаси қандай ўтди?

Париж-2024 Олимпиадасидан кейинги илк мусобақада сайёрамизнинг 4 қитъаси 40 та давлатидан жами 319 (186 эркак, 133 аёл) нафар дзюдочи медаллар учун баҳс олиб борди. Якунда кутилганидек, Япония терма жамоаси медаллар жамғариш бўйича умумжамоа ҳисобида биринчи ўринни эгаллади. Дзюдо ватани вакиллари 4 та олтин ва 1 та бронза медални қўлга киритишди. 

Франция терма жамоаси 2 та олтин, 1 та кумуш, 5 та бронза медали билан иккинчи ўринни банд этган бўлса, қозоғистонлик дзюдочилар 2 та олтин ва 1 та кумуш медаль билан кучли учликка якун ясашди. Нидерландия ва Венгрия терма жамоалари ҳисобида ҳам 2 нафардан чемпион бўлди. Украина ва Молдова делегациялари ҳам биттадан олтин медалга эга чиқишди. Жами 21 давлат камида битта бронза медали билан ортга қайтди.