ФОТО Россиялик жаҳон чемпиони Разамбек Жамалов Ўзбекистон байроғи остида илк мусобақасида иштирок этди. Унинг дебюти қандай бўлди?

Мусобақада ўзбекистонлик спортчилардан ташқари, Россия, Қирғизистон ва бошқа мамлакатдан келган курашчилар иштирок этди.

Аҳамиятлиси, Гран-прида 74 кг.гача бўлган вазн тоифасида россиялик курашчи Разамбек Жамалов Тошкент шаҳри номидан қатнашиб, якунда олтин медални ўзиники қилди. Olamsport.com январь ойида Жамаловнинг Ўзбекистон сафига ўтгани ҳақида хабар берган эди. 25 ёшли Разамбек ўсмирлар ўртасида жаҳон вице-чемпиони (2018), U23 ёш тоифасида Европа ва жаҳон чемпиони (2019) ва бир неча карра Россия чемпиони ҳисобланади.

Жамалов "Ўзбек ботирлари" Гран-приси финалида сурхондарёлик Асомиддин Ҳасановдан устун келган. Мусобақада Разамбек учун асосий рақобатчилар бўлмиш Бекзод Абдураҳмонов ҳамда Иляс Бекбулатов иштирок этмаганини таъкидлаш лозим.