03 апр 08:25
Янгиликлар
ФОТОГАЛЕРЕЯ. Рапид йўналишида 10та медал билан Осиё чемпионатида биринчи бўлдик!
Қувонарлиси, қитъа чемпионатининг рапид йўналишидаги баҳсларида ўзбекистонлик ёш шахматчилар 10та медални қўлга киритишди. Шулардан 3таси олтин медаллардир.
Шамсиддин Воҳидов 16 ёшлилар гуруҳида Осиё чемпиони бўлди. ОРтиқ Ниғматов ва халқаро гроссмейстер Гулруҳбегим Тоҳиржонова 18 ёшлилар ўртасида қитъада тенгсиз деб топилишди.
Терма жамоамиз аъзолари 4та кумуш медал билан тақдирланишди. Афруза Ҳамдамова ва Шаҳромбек Каримов 8 ёшлилар мусобақасида, Акобирхон Сайдалиев 10 ёшлилар гуруҳида, Нилуфар Ёқуббоева эса 18 ёшли шахматчилар орасида осиё вице-чемпиони бўлди.
Ҳумоюн Синдоров 8 ёш гуруҳида, Абдулбосит Шарифжонов 10 ёшли болалар ўртасида, Георгий Шванов эса 18 ёшли шахматчилар баҳсида бронза медалига сазовор бўлди.
Якунда Ўзбекистон терма жамоаси шахматчилари рапид йўналишида умумжамоа ҳисобида биринчи ўринни эгаллашди. Бешта медалга эга Ҳиндистон терма жамоаси иккинчи, Қозоғистон терма жамоаси 4та медал билан 3-ўринни банд этди.
Фото. Ўзбекистон шахмат федерацияси
Фикрлар