Франция Загреб Гран-Присида биринчи бўлди ФОТО + ЖАДВАЛ

Zagreb Grand Prix турнирида дунёнинг 4 қитъаси 35 давлатидан 243 (143 эркак, 100 аёл) нафар дзюдочи жами 14 та (7 тадан эркак ва аёл) вазн тоифасида медаллар учун татамига чиқди. Уч кунлик баҳслар якунига кўра Франция терма жамоаси 3 та олтин, 2 та кумуш, 3 та бронза медали билан умумжамоа ҳисобида биринчи ўринни эгаллади. 

Нидерландия терма жамоаси 2 та олтин, 2 та кумуш, 2 та бронза медали билан иккинчи ўринни банд этган бўлса, кучли учликка 2 та олтин, 1 тадан кумуш ва бронза медали билан словениялик дзюдочилар якун ясаб беришди. Озарбайжон терма жамоаси таркибида ҳам икки, Россия, Буюк Британия, Молдова, Грузия ва Бельгия терма жамоаларида эса бир нафардан чемпион бўлди.

Маълумот учун, Загреб Гран-Присида Ўзбекистон терма жамоаси иштирок этмади. Ҳозирда дзюдочиларимиз 6-10 октябрь кунлари Италия давлатида ўтказиладиган ёшлар ўртасидаги жаҳон чемпионатига тайёргарлик кўришяпти.